त्यसैले पुरुषका तुलनामा महिलाले बढी मेहनत गर्नुपर्ने

अहिलेको आधुनिक जमानामा जोकी कोही पनि अरुभन्दा राम्रो र आकर्षण दखिन चाहन्छन् । चाहे त्यो पुरुष होस् चाहे महिला होस् तर पुरुष भन्दा महिलाहरु आफ्नो तौल घटाउनका निम्ति २० प्रतिशत धेरै मेहेनत गर्नुपर्ने तथ्य बाहिर आएको छ । यति मात्र नभइ तौल घटाउनका लागि पुरुषको तुलनामा महिलाहरु आफ्नो डाइटमा २० प्रतिशत ध्यान दिने गर्छन् । यी सबैको कारण शारीरिक बनावट र हर्मोन सन्तुलनमा निर्धारित छ ।

डेली मेलका अनुसार महिला र पुरुष समान रुपमा आफ्नो तौल घटाउने उद्धेश्यले एकसाथ शारीरिक व्यायाम गरेपनि महिलाहरुले नै २० प्रतिशत पसिना बगाउन पर्ने बैज्ञानिकले दाबी गरेका छन् । बैज्ञानिकले यो कुरालाइ प्रमाणित गर्न एक अनुपात मोटा महिला र पुरुषमा एकै प्रकारको शारीरिक व्यायाम र डाइटको योजना बनाएको थियो । जसमा महिलाको तुलनामा पुरुषलाइ २० प्रतिशत अतिरिक्त फाइदा भएको थियो ।

१६ हफ्ताको यो शारीरिक व्यायाम योजनामा ७५ महिला र पुरुषलाइ एरोबिक कार्डियोवस्कुलर एक्सरसाइज गराएको थियो । १६ हफ्तापछि महिलाको तुलनामा पुरुषमा परिवर्तन आएको थियो भने महिलाहरुलाइ फेरी २० प्रतिशत मेहनत गर्नुपर्ने परिणाम आएको थियो । सो कुरा अमेरिकी प्रान्त मिसुरी यूनिवर्सिटीको बैज्ञानिकहरुले प्रमाणित गरेको हुन् ।