४ माघ, इलाम । नेकपा एमालेका प्रचार प्रसार विभाग प्रमुख प्रदीप ज्ञवालीले विपक्षी दलले गर्ने आन्दोलन सत्ताका लागि नभई मुलुकलाई संकटवाट बचाउनका लागि भएकेा वताउनु भएको छ । नेकपा एमाले इलामले विहीवार पार्टी कार्यालयमा गरेको पत्रकार भेटघाट कार्यक्रममा उहाँले माघ ६ गतेवाट सुरु हुने आन्दोलन प्रधानमन्त्रीको कुर्सीका लागि नभई जनताको अधिकार रक्षाका लागि केन्द्रीत हुने वताउनु भएको हो ।ज्ञवालीले विपक्षीको आन्दोलनले सहमति नचाहने एकीकृत माओवादीलाई सहमतिका लागि दबाब दिन, सहमतिका लागि पहल गर्न र जनजीविकाका प्रश्नको समाधान गर्न आन्दोलन घोषणा गरिएको बताउनुभयो । उहाँले विपक्षीको आन्दोलन एमाओवादी र सरकारलाई गलाउन नभई बार्तामा आउन र सहमतिका लागि दबाब दिन भएकाले शान्तिपूर्ण आन्दोलनमा उत्रिएका माथि सरकारी हस्तक्षेप भए सशक्त आन्दोलन गर्ने वताउनुभयो ।
ज्ञवालीले सरकारकै कारण देशमा दण्डहीनता मौलाइरहेको बताउँनु भयो । ज्ञवालीले पत्रकार डेकेन्द्रराज थापाका हत्यारालाई संरक्षण गर्नुपर्छ भन्ने प्रधानमन्त्रीको अभिव्यक्ति र कारबाही प्रक्रिया अघि नवढाउन दिएको निर्देशन गैरजिम्मेवार भएको वताउनुभयो । एमाओवादीले स्वतन्त्र व्यक्तिको नाममा सरकार बनाउन प्रस्ताव राख्नु अर्को दाउपेच मात्र भएको ज्ञवालीको आरोप छ । राष्ट्रपतिले सहमतिका लागि म्याद दिएकाले विगतमा घोषणा गरिएको आन्दोलन स्थगित गरिएको उहाँले वताउनुभयो । उहाँले विभिन्न बहानामा र षडयन्त्र गरेर एमाओवादी निर्वाचनबाट भाग्न खोजिरहेको आरोप लगाउनुभयो
0 comments:
Post a Comment