१२ माघ, काठमाण्डौ । एकीकृत माओवादीका अध्यक्ष पुष्पकमल दाहाल प्रचण्डले एमाओवादीप्रति जनताको लहर देखेर विपक्षी काँग्रेस-एमाले लगायतका दलहरु तर्सिएको वताउनु भएको छ । उहाँले मेचीदेखि महाकालीसम्म एकीकृत माओवादी प्रति रहेको जनताको लहर देखेर विपक्षरुहरु आतंकित भएको आरोप लगाउनु भयो ।शुक्रवार विहान एकीकृत माओवादीको काठमाण्डौ जिल्ला अधिवेशनको उद्घाटन गर्दै प्रचण्डले भन्नुभयो,’मेचीदेखि महाकालीसम्म सवैभन्दा वढि लहर माओवादीकै छ । त्यो लहर देखेर विपक्षीहरु आतंकित भएर चुनावमा जान डराएका छन् । त्यसैले उनीहरु सहमति भन्दा पनि मुडभेड गर्न तम्सिएका छन् ।’ प्रचण्डले वुधवार दैलेखमा एमाओवादी कार्यक्रममाथि डुंगामुडा गरेर आफूहरुलाई लोकतन्त्रवादी भन्ने काँग्रेस-एमालेले लोकतन्त्रवादी चरित्र प्रष्ट पारेको वताउनुभयो ।
विपक्षी दल काँग्रेस-एमाले एमाओवादीको लहर देखेर तर्सिदै चुनावमा नजाने षड्यन्त्रमा लागेको प्रचण्डको भनाई छ । उहाँले सहमतिका लागि आफूहरु सरकार छोड्न तयार रहेको समेत वताउनुभयो । उहाँले भन्नुभयो,’जेठ १५ भित्र निर्वाचन हुने सुनिश्चित भए हामी सरकारमा एक मिनेट पनि बस्दैनौँ । त्यसैले पहिलो विपक्षी दलहरुले चुनाव हुने वातावरण त बनाइदिनु पर्यो नी ?’ प्रचण्डले विपक्षी दलकै कारण जेठमा पनि चुनाव हुन नसके के गर्नु पर्छ त्यो जनता आफैले गर्ने वताउनुभयो ।
यस्तै कार्यक्रममा एमाओवादीका उपाध्यक्ष समेत रहेका प्रधानमन्त्री डा. बाबुराम भट्टराईले सरकार प्रतिक्रान्तिको घेराबन्दी तोड्न सफल भएको बताउनु भयो । दैलेख घटना तर्फ संकेत गर्दै प्रधानमन्त्रीले प्रतिपक्षी दलहरुले माओवादीको कार्यक्रम बिथोल्न खोजेको भन्दै सरकारले प्रतिपक्षीलाई घुँडा टेकाउन सफल भएको दाबी पनि गर्नुभयो ।
0 comments:
Post a Comment