२ माघ, काठमाण्डौं । सरकारले बेलायतमा पक्राउ परेको नेपाली सेनाका महासेनानी कुमार लामाको मुद्दा अघि नबढाई तत्काल नेपाल फर्काउन बेलायती सरकारलाई औपचारिक पत्र पठाउने र कानुनी लडाई पनि लड्ने निर्णय गरेको छ । यसका लागि सरकारले एक टोली बेलायत पठाउने भएको छ ।
सरकारले उक्त निर्णयको मौखिक जानकारी लन्डनस्थित नेपाली दूतावासलाई दिइसकेको छ । औपचारिक पत्र मंगलबार पठाइने परराष्ट्रमन्त्रालयले जनाएको छ । सरकारले बेलायतका लागि नेपाली राजदूत डा. सुरेशचन्द्र चालिसेलाई लामाका पक्षमा मुद्दा लड्न अभिवक्ता खोजीका साथै त्यहाँको कानुनी प्रक्रियाका लागि डा. सूर्य सुवेदीसँग सल्लाह गर्न निर्देशन दिएको स्रोतले बतायो ।परराष्ट्रमन्त्री नारायणकावी श्रेष्ठ, महान्यायाधिवक्ता मुक्तिनारायण प्रधान, नेपाली सेनाका वरिष्ठ अधिकारी, कानुन, गृह र रक्षा मन्त्रालयका सचिव तथा कानुन क्षेत्रका विज्ञसँगको छलफल पछि बेलायतलाई पठाउने पत्र तयार भएको खबर अन्नपूर्ण पोष्ट दैनिकले छापेको छ ।
0 comments:
Post a Comment